څنګه چی هغه روان وو او هغوی اسمان ته ځیر ځیر کتل ، او سمدستی دو ه سړی په سپینو جامو کی د هغوی په خوا کی ودریدل او وی ویل چی ای گلیلیانو ! تاسو دلته اسمان پلو ته ځیر ځیر گوری ؟
دغه عیسی څوګ چی ستاسو نه اسمان ته بوتلی شو ، هم په دغه لار به بیا راځی په کومه چی تاسو د تلو په وخت ولیدلو . د رسولانو اعمال لومړې باب لسم او یوولیسم ایات .
عیسی مسیح اسمان ته د صعود او تلو په وخت کی شا گردانو هغه یی ولید او هغه اسمان ته صعود وکړو او یوه ورځ به بیا ظاهر شی ، پورتنی ایاتو کی دیته اشاره شوی چی عیسی مسیح به بیا راځی او په هغه ورځ به خدای عدالت د عیسی مسیح په وسیله اجرا کړې ، او هر انسان ته د هغه د اعمالو او کارونو په مطابق مکافات او مجازات به ورکړی .
مقدس کتاب کی راغلی ده : (په هغه ورځ به خدای د انسان د پټوخیالونو عدالت د عیسی مسیح په وسیله زما د زیری په مطابق وکړی)
رومیان دویم باب ۱۶ ایات .
دا مسلم او څرګند حقیقت دی چی هغه ورځ به خدای عدالت د عیسی مسیح په وسیله اجرا کړی ، او هر انسان ته د هغه د اعمالو او کارونو په مطابق چی هغه څه کړنه تر سره کړی عیسی مسیح به رشتینی عدالت ترسره کړی. .
موږ باور لرو چی هغه ورځ راتلونکی دی چی عیسی مسیح د ټولو انسانانو د ښکاره او پټو فکرونو، کارونو او اعمالو باندی به قضاوت وکړی، دا حقیقت د حدای نقشه او کلام دی.
و هغهڅوک چی په عیسی مسیحپورې اړه لری هغوی پس د مرگ به ژوندی کړی شی ځکه دا د خدای وعده دی چی د خدای د حکم پر اساس او د هغه د قدرت پر بنیاد نوی بدن مسیحیانو ته به عطا کړی ، یعنی پس د مرگه ژوندون حق دی او د خدای وعده او احکام نه بدلیدونکی دی او دا وعده د خدای وعده دی ،راځې چی پدې اړه وگورو او مطالعه کړو چی مقدس کتاب څه فرمایی. ( خو هر یو به پخپل وار ، اول مسیح ، بیا د مسیح په راتلو د هغه خلق ، بیا به اخرت راشی ، او کله چی مسیح ټول حکومتونو او ټول اختیارونو او قدرتونو نابود کړې نو بادشاهی به خدای ، یعنی خدای پلار ته به حوالهکړې ، ولی چی تر څو مسیح ټول دښمنان تر پښو لاندی نه کړې هغه له بادشاهی کول ضروری ده او د ټولو نه وروستی دښمن چی به نابود کړې ، هغه مرگ دی . کورنتیانو ۱۵ فصل۲۳ نه تر ۲۶ ایاتو پورۍ .)
همغسی چی عیسی مسیحپس له مرگ او د مړو نه بیا ژوندی کړې شو نو هغه څوک چی په هغه باندی ایمان لری ، هغه به ژوندی کړې شی ، ځکه پس له مرگه د رښتینې مسیحیانو په برخه تل ژوندون به وی او دا هغه ژوند به وی چی مرگ په باندی واک نلری ،ځکه عیسی مسیح دا اخرین دښمن چی هغه مرگ دی هغه یی نابود کړې دی ، او موږ ایمان ، باور او عقیده لرو چی پس له مرگه به ژوندی کړې شو ، او دا عملیه د خدای د حکم او احکام په مطابق تر سره کیدونکی به وی ، ځکه خدای پاک ټول قدرت عیسی مسیح ته عطا کړی ، کله چی هغه بیا راشی د هر انسان پر اعمالو ، کړنه او فکرونوباندی به قضاوت او عدالت وکړی ، کله چی عیسی مسیح راشی ټول مسیحیانو به ژوندی کیږې ، پدې توگه دغه ځمکنې بدن چی اوس یی لرو فنا کیدونکی او د مرگ خواته روان دی او هغه بدن چی د مرگ څخه وروسته مسیحیانو ته عطا کیږې د اوسنی بدن سره توپیر او تفاوت لری ، هغه توپیر دادی چی هغه بدن به اسمانی وی او مرگ پر هغه باندی واک نلری او تل به ژوندی وی ، دا بدن چی اوس لرو د مرگ او رنځ سره یو ځاې دی او ډیرکمزوری او ناتوان دی .
او اسمانی بدن به قوی او قدرت لرونکی به وی ، د مرگ په وخت نفسانی بدن خاور ته سپارل کیږې ، لیکن د قیامت په ورځ روحانی بدن به پورته کیږې ، ځکه همغسی چی طبیعی او نفسانی بدن وجود لری ، روحانی بدن هم وجود لری ، هغوی چی په عیسی مسیح ایمان لری ، هغوی به اسمانی بدن به ولری.
او د هغوی ځاې به په اسمان کی د عیسی مسیح سره وی ، هر رښتینی ته لازم دی چی خپل ایمان په عیسی مسیح باندی تر اخره وساتی او د ناوړو کارونو او عملونه څخه د ډډه وکړې او د عالی هدف پر لوری خپل ژوند سمبال کړی، پدې هکله په کتاب کی راغلی ده .
( د مقصد په طرف په منډه یم چی هغه انعام حاصل کړم ، چی د کوم د پاره چی د موږ خدای د عیسی مسیح په وسیله اسمانی ژوند ته بللی یوو . فیلیپیانو دریم فصل ۱۴ ایات )
ددی ایات په مطابق هر هغه څوک چی په عیسی مسیح باندی ایمان لری هغوی ته لازم او ضروری دی چی هغه مقاصد او هدفونه تر لاسه کړی د کومی د پاره چی خدای موږ او تاسو ته په نظر نیولی ، هغه دا چی د ابدی او تل ژوندون وعده موږ مسیحیانو ته ورکړې شوی دی ، نو لازم او ضروری بریښې چی د هغه د تر لاسه کولو د پاره د خپل ټول طاقت سره کار او هڅې جاری وساتو .
او ایمان ولرو تر څو د هغه عالی ژوند څخه برخمن شو ،چی خدای موږ ته په نظر کی نیولی ده .
دا و نه وایو چی موږ کامل یوو ، او د هغه څیز د رانیولو د پاره چی موږ او تاسو رابللی شوی یاستو هغه مو وموندل ، بلکی د عیسی مسیح کلام او احکام موږ او تاسو ته لارښود او رهنما دی ، په دی توگه هر یو ته لازم دی چی په عیسی مسیح کی قایم پاتې شی او د هغه حقیقت په رڼا ژوندوکړو چی ایمان لرو .
او هغه حقیقت عیسی مسیح دی چی د هغه څخه پیروې کوو ، لاندی ایات ته مو پام اړوم
( ایا تاسو د مسیح سره نه وی راژوندی کړې شوی ؟ نو بیا تاسو د اسمانی څیزونو لټون کوی چیرته چی مسیح موجود دی او د خدای ښې طرف ته ناست دی . مسیح ستاسو ژوندون دی ، کله چی هغه بیا ظاهرکړی شی نو تاسو به هم د هغه سره په جلال کی ظاهر کړې شی . کولوسیانو دریم باب لومړی او څلورم ایات )
کله چی عیسی مسیح بیا ظاهر کړې شی نو هغه څوک چی د مسیح دی د هغه په جلال کی به شریک کړی شی.
او ټول هغه مسیحیان چی په واقعی توگه د عیسی مسیح څخه دی نو د هغه په برکاتو او جلال کی به شریک کړی شی او دا هغه وعده دی چی عیسی مسیح ورکړې دی او د هغه وعده حقیقی او رښتینې ده او موږ او تاسو د ایمان په وسیله هیله لرو چی د هغه په جلال کی شریک یوو ،ځکه د موږ سترگی هغه برکاتو ته په دی چی په اسمانی خوشحالی کی نغښتې دی ، په هغه ځاې کی چی عیسی مسیح د عزت او قدرت پر تخت د خدای په ناست دی .
(ځکه چی موږته یقین دی چی عیسی مړ شو او بیا ژوندی شو ، نو دغه شان به خدای هغه څوک هم چی د عیسی مسیح په ایمان کی مړه شوی دی ، د عیسی په وسیله د هغه سره راولی . ځکه چی مالک به په خپله د اسمان نه د چغی او د مقربی فرښتې د اواز او د خدای بګل(سرنای)د اواز سره را کوزیږې او اول به هغه څوک چی په مسیح کی مړه شوی دی راژوندی شی .او بیا به موږ څوک چی ژوندی پاتې یوو، د هغوی سره په وریځو کی پورته کړې شو ددی د پاره چی په هوا کی د مالک استقبال وکړو او دغه شان به د خدای سره تل تر تله اوسوو. اول خط د تسالونیکیانو څلورم باب ۱۴ ، ۱۶ او ۱۷ ایاتو )
موږ او تاسو ایمان لرو چې عیسې مسیح مړ شو او په دریمه ورځ د مړو څخه پاڅیدل او پدې هم ایمان لرو چې هغه به راځې او د هغه سره هغه څوک چې عیسې مسیح په ایمان کې مړ شوې دې د عیسې مسیح په وسیله بیا به ژوندې کړې شې، او پخپله خداې پاک راکوزیږې.
او هغه مسیحیان چې مړه شوې دې ژوندې کړې به شې او هغوې چې ژوندې دې د خداې استقبال ته به وریځو ته پورته کړې شې ، او تر ابده پورې او تر تل تله د خداې سره به ژوند وکړې دا د خداې کلام دې چې موږ او تاسو پر هغه باندې ایمان لرو .
ګرانو ورونو! تاسو په ګناه او تیارو کې ژوند نلرې چې غافله پاتې شې . ځکه تاسو د رڼا او نور بچیان یاستې او د تیارو سره کار نه لرې ، ځکه تاسو د مسیح یاستې ، نو تاسو هوښیار او اماده اوسې او د خداې پر کلام خپل ایمان کلک وساتې او د عیسې مسیح د بیا راتګ انتظار وباسې .
)او هغه زمونږ د خاطره ځکه مړ شو چې که موږ بیدار یوو یا که اوده ،ټول د هغه سره ژوند تیر کړو . اول تسالونیکیانو ۵ باب لسم ایات(
)او هغه به تاسو مصیبت زغمونکو ته زمونږ سره ارام درکړې کله چې به مالک عیسې د خپلو قوتناکو فرښتو سره په شغله ناک اور کې د اسمان نه ظاهر شې . دویم تسالونیکیانو لومړې فصل اووم ایات (
)مالک پخپل لوظ کې ځنډ نه کوې لکه چې بعضې خلق ځنډګڼې بلکې ستاسو په باب کې صبرکوې ، د پاره ددې چې د چا هلاکت نه غواړې بلکه دا غواړې چې ټولو خلکو ته د توبى موقعه ورکړې شې . دویم پطرس دریم فصل ۹ ایات (
) خو موږ د هغه لوظ ) وعده( په مطابق د نوو اسمانونو او نوې ځمکې انتظار کوو، چې په هغه کې یوازې عدالت او رښتینوالې حکمفرما وې ، ځکه دا د خداې وعده دې . دویم پطرس ۳ فصل ۱۳ ایات (
عیسې مسیح فرمایې! سترګې په لار اوسې زه ، زر درځم او خپل اجر د ځان سره راوړم چې هر یو له د هغه د عمل په مطابق به اجر ورکړم . مکاشفات ۲۲ باب ۱۲ ایات(